ಊಟಕ್ಕೆ ಬಂದೆವು ನಾವು

(ರಾಗ ನಾದನಾಮಕ್ರಿಯೆ ) ಊಟಕ್ಕೆ ಬಂದೆವು ನಾವು , ಮಿಮ್ಮ ಆಟಪಾಟವ ಬಿಟ್ಟು ಅಡುಗೆ ಮಾಡಮ್ಮ ||ಪ|| ಕತ್ತಲಿಟ್ಟಾವಮ್ಮ ಕಣ್ಣು , ಬಾಯಿ ಬತ್ತಿ ಬರುತಲಿದೆ ಕೈಕಾಲು ಝುಮ್ಮು ಹೊತ್ತು ಹೋಗಿಸಬೇಡವಮ್ಮ , ಒಂದು ತುತ್ತಾದರು ಇತ್ತು ಸಲಹು ನಮ್ಮಮ್ಮ || ಒಡಲೊಳಗೇ ಉಸಿರಿಲ್ಲ , ಒಂದು ಕ್ಷಣವಾದರೆ ಜೀವ ನಿಲ್ಲುವುದಿಲ್ಲ ಮಡಿದರೆ ದೋಷ ತಟ್ಟುವುದು, ಒಂದು ಹಿಡಿ ಅಕ್ಕಿಯಿಂದಲಿ ಕೀರ್ತಿ ಬಾಹೋದು || ಹೊನ್ನುರಾಸಿಯ ತಂದು ಸುರಿಯೆ , ಕೋಟಿ ಕನ್ನಿಕೆಯರ ತಂದು ಧಾರೆಯನೆರೆಯೆ ಅನ್ನದಾನಕ್ಕಿನ್ನು ಸರಿಯೆ , ಪ್ರ- ಸನ್ನ ಪುರಂದರವಿಟ್ಠಲ ದೊರೆಯೆ ||